Vikarer – Skipsførar /Overstyrmann Maritim Drift, Fjord1 AS

Om stillinga

Vi har behov for fleire skipsførarar og overstyrmenn som tilkallingsvikarar på fergene MF Storfjord og MF Fedjebjørn. Turnus og behov vil variere. I periodar kan det vere behov for mannskap som kan gå heile arbeidsperiodar, medan det i andre periodar kan vere behov for enkeltvakter. Det er moglegheit for å bu om bord i arbeidsperioden, men det er ein fordel om du bur i nærleiken, då behovet kan variere i tråd med skift og turnus. Reise til og frå arbeidsperioden vert dekt av rederiet.

Som skipsførar vil du ha ei sentral rolle i å sikre trygg og effektiv drift av sambandet. Arbeidet inneber både ansvar og varierte utfordringar, mellom anna knytt til skiftande vêrforhold og krav til presis og sikker manøvrering av fartøyet. Du blir ein viktig bidragsytar til gode opplevingar for både passasjerar og mannskap, og vil samarbeide tett med kollegaer både om bord og på land.