Kvinne på 42 år søkjer personlege assistentar til ein variert og meingsfull kvardag. Kanskje har du møtt kjærleiken i Ullensvang? Eller har du forelska deg i naturen, fjella og fjorden? Då har eg jobben for deg.

Kven er eg?

Eg er ei aktiv kvinne på 42 år med to barn. Eg er avhengig av rullestol og treng nokon som kan vera mine armar og bein, slik at eg kan vera politikar, mamma og skribent og leva det livet eg ynskjer.

Kven ser eg etter?

Eg har ledig ei fast stilling på 100 %, og det er òg behov for fleire assistentar på tilkalling.

Det er viktig at assistenten som blir tilsett i fast stilling har moglegheit til å vera med på både turar med og utan overnatting i ny og ne.

Arbeidstida vil stort sett vera på dagtid, men noko arbeid på kveld, helg og natt kan førekoma.

Litt om kvardagen min

Eg er ei positiv dame med mange jern i elden. Eg elskar musikk, konsertar og å vera med vener. Samstundes treng eg av og til ...